PER VISITATORI

 

aldo-morelli@virgilio.it

 

POESIE DI ALDO MORELLI


La Scelta

Nu viecchiariello cu na faccia 

allièra(1) ma cu nu passo chiano(2)

dicette a ’n omme 

io vengo da luntano.

Na cosa ca nun se po’

accattà tengo dint’a na mano

e dint’all’ata tengo la ricchezza.

’A voglio! Dicette l’omme

senz’ombra d’incertezza.

’O viecchiariello se ne turnò luntano

c’a faccia triste e ’o

passo ancor cchiù chiano.

L’omme quasi nun s’addunava(3)

do tempo ca passava.

Pecchè ’o tiempo nun è chiano

se ogni iuorno passa comme

a nu carnevale brasiliano.

Ma dint’ isso senteva

sempe come na mancanza

e di scoprir di cosa aveva

perso ormai ogni speranza.

Comme a chi cerca un indizio 

 Pe’ scummiglià(4) nu malaffare

ma nun sape che cosa cerca

né dove cercare.

Ma quando  venette l’ora

dell’ultima dimora 

e attuorno a isso nisciuno

‘na lacrima versava

mentre l’uocchio

sòpia sòpia (5) s’appannava,

capì c’ ’o viecchio venuto da luntano

l’ammore teneva dint’all’ata mano.

 

Note: 1 allegra 2 lento 3 accorgeva 

4 scoprire 5 dolcemente

ALDO MORELLI

 

  

O lampion'

O sole se addurmut’ all’orizzonte

e io me sceto p’ affruntà a nuttata.

Arriva a solita, vecchia puttana

cchiu attardo nu ricchione brasiliano.

Essa fa o mestiere pe’ necessità.

Isso è  nu mècene e a  zèlla soia s’a fa  pavà.

Nu barbone,

ca strascecheie pe litto nu cartone,

se trova accà

pecchè rifiuta chesta società.

Nu signorino, cu nu machinone,

se ferma e fa saglì o ricchione.

Nu vuò comprà,

ca faccia arravugliata int’a malinconia,

cuntratta n’ora d’ammore,

nu poco ‘e cumpagnia.

Addio lampiò….

Me vache a ffà ‘a jurnata

pure pe sta nuttata.

Nu giuvinotto bello comm’ a nnu DDio,

ca me putesse nnammurà pur’io,

che pena.. che pena ca me fà

vedello, dint’ ‘e vene, na dos’ e se sparà.

Na guagliuncella tutta appuvurata

lasse cadè na creatura

int’ o bidone della spazzatura.

Dorm’ ancor’ o barbone

coppa a stu cartone.

È quasi juorno.

Chissà… chissà se pure o juorno

esiste sta miseria enorme.

Ma juorno nunn o ssacce…

pecchè o juorno i’ dormo.

ALDO  MORELLI