|
|
|
Giuseppe Bellosi
Nujétar A cve in vôlta da nó a scuren nench la dmenga in rumagnôl. D’invéran i vec i pôrta incóra la caparëla, e tot quènt i ten dri a la lona s’l’è óra d’mazê e’ pôrch. Nenca me a salùt i murt s’a pës dnenz a e’ cavsânt.
NOI – Qui intorno a noi parliamo anche la domenica in romagnolo. D’inverno i vecchi portano ancora il tabarro, e tutti prestano fede alla luna se è ora di ammazzare il porco. Anch’io saluto i morti se passo davanti al camposanto. Giuseppe Bellosi
D'la' Di Giuseppe Bellosi
La strê sfaltêda l’ariva sot’a e’ pont, la rata la va so d’böta ins e’ rivêl cvért d’érba. Da cl’êtra pêrt la strê giarêda, i sid, la zent ch’angn’ò maj scórt.
DI LÀ – La strada asfaltata arriva sotto al ponte la salita va su di colpo sulla riva coperta d’erba. Dall’altra parte la strada ghiaiata, i poderi, la gente con cui non ho mai parlato.
|
